கௌரவ ஆளுனரின் வழிகாட்டலின் கீழ் வடமாகாண ஆளுனர் செயலகம், வடமாகாண வீதிப்பாதுகாப்பு சபை என்பன இணைந்து நடாத்தும் வீதிப்பாதுகாப்பு வாரம் இம்மாதம் 7ம் திகதி தொடக்கம் 13ம் திகதிவரை பிரகடனப்படுத்தப்பட்டுள்ளது. இதனையொட்டி முல்லைத்தீவு மாவட்ட செயலக உத்தியோகத்தர்களால் வீதிப்பாதுகாப்பு வாரத்திற்கான உறுதிமொழி எடுக்கும் நிகழ்வு இன்று (07) இடம்பெற்றது.

IMG 20191007 091533

 

சர்வதேச கடற்கரை சுத்தப்படுத்தல் மற்றும் கடல்சார் வளங்களை பாதுகாக்கும் வாரம் 16 செப் தொடக்கம் 21 செப் வரை கடைப்பிடிக்கப்பட்டுவருகின்றது. அந்த வகையில் முல்லைத்தீவு மாவட்டத்தில் (18.09.2019) இன்று கடற்கரை துப்பரவுசெய்யும் நடவடிக்கைகள் மாவட்ட செயலாளர் திருமதி.றூபவதி கேதீஸ்வரன் அவர்களின் தலைமையில் முள்ளிவாய்க்கால் கடற்கரையில் ஆரம்பித்து வைக்கப்பட்டது. இந் நிகழ்வில் முல்லைத்தீவு மாவட்ட செயலக உத்தியோகத்தர்களுடன் பொதுமக்கள் பலரும் வயது வேறுபாடின்றி கலந்துகொண்டனர்.

3 2 1

எமது மேலதிக மாவட்ட செயலாளராக கடமையாற்றிய திரு.கோ.தனபாலசுந்தரம் அவர்கள் மட்டக்களப்பு மாவட்டத்திற்கு இடமாற்றம்பெற்று செல்லும் நிலையில் புதுக்குடியிருப்பு பிரதேச செயலாளர் திரு.M.பிரதீபன் அவர்கள் மேலதிக மாவட்ட செயலாளராக இன்று (09.09.2019) கடமைகளை பொறுப்பேற்றுக்கொண்டார்.

DSC 0355

 

20190722 155948

அரச அதிபர் வெற்றிக்கிண்ணம் - 2019

அரச அதிபர் வெற்றிக்கிண்ணம் - 2019க்கான விளையாட்டுப்போட்டிகள் 03.09.2019 அன்று மாவட்ட செயலகத்தில் சதுரங்க விளையாட்டுடன் ஆரம்பமானது. இந் நிகழ்வினை மாவட்ட செயலாளர் திருமதி.றூபவதி கேதீஸ்வரன் அவர்கள் ஆரம்பித்து வைத்தார்.

DSC 0230DSC 0269

வடமாகாண சுகாதார சேவைகள் பணிமனை அதிகாரிகளும், உத்தியோகத்தர்களும் இன்று (02.08.2019) முல்லைத்தீவு மாவட்ட செயலகத்துக்கு உற்பத்திதிறன் தொடர்பான கள ஆய்வுக்காக விஜயம் மேற்கொண்டிருந்தனர்.

DSC 0170

DSC 0168

DSC 0169

2019ம் ஆண்டுக்கான 2ம் கட்ட பட்டதாரிப்பயிலுனர்களுக்கான நியமனக்கடிதங்கள் இன்று முல்லைத்தீவு மாவட்ட செயலகத்தில் மாவட்ட செயலாளர் திருமதி றூபவதி கேதீஸ்வரன் அவர்களின் பங்கேற்புடன் வழங்கிவைக்கப்பட்டது. முல்லைத்தீவு மாவட்டத்தில் 112 பட்டதாரிகள் இந் நியமனத்தின்பொருட்டு தெரிவுசெய்யப்பட்டுள்ளார்கள். 

 

DSC 0106

DSC 0104

DSC 0162

DSC 0163

இலங்கை சனநாயக சோஷலிசக் குடியரசின் அதிமேதகு ஜனாதிபதி மைத்திரிபால சிறிசேன அவர்கள் இன்று (08.06.2019) முல்லைத்தீவுக்கு நாட்டுக்காக ஒன்றிணைவோம் நிகழ்வுக்காக வருகைதந்தார். இன்று காலை 10.00மணியளவில் உலங்குவானூர்தி மூலம் முல்லைத்தீவுக்கு வருகைதந்த ஜனாதிபதி அவர்களை மாவட்ட செயலாளர் திருமதி றூபவதி கேதீஸ்வரன் அவர்கள் வரவேற்ரார். தொடர்ந்து மாவட்ட செயலகத்தில் அமைக்கப்பட்டுள்ள SMART ஸ்ரீலங்கா கட்டிடத்தினை திறந்துவைத்ததுடன் மரக்கன்று ஒன்றினையும் மாவட்ட செயலக வளாகத்தில் நாட்டினார். அதனை தொடர்ந்து மாவட்ட செயலக முன்றலில் அமைக்கப்பட்டிருந்த மேடையில் பயனாளிகளுக்கான உதவித் திட்டங்களையும், காணி உறுதிப்பத்திரங்களையும் வழங்கிவைத்தார்.
 
முல்லைத்தீவு மாவட்டத்தில் 03.06.2019 தொடக்கம் 08.06.2019 வரை இடம்பெற்ற நாட்டுக்காக ஒன்றிணைவோம் தேசிய நிகழ்ச்சித்திட்டத்தின் நான்காம் கட்ட நிகழ்வில் 1178 வேலைத்திட்டங்கள் 311.97மில்லியன் ரூபா செலவில் முன்னெடுக்கப்பட்டிருந்த்து. இத்திட்டங்களினூடாக 68,586 பயனாளிகள் பயனடைந்துள்ளனர்.
DSC 0058
20190608 123539
DSC 0061

நாட்டுக்காக ஒன்றிணைவோம் - தேசிய நிகழ்ச்சித்திட்ட நான்காம் கட்ட நிகழ்வுகள் முல்லைத்தீவு மாவட்டத்தில் ஆரம்பமாகியுள்ள நிலையில் 03.06.2019 இன்றய நாளுக்கான 169 வேலைத்திட்டங்களில் 150வேலைத்திட்டங்கள் 3.43மில்லியன் செலவில் நிறைவுபடுத்தப்பட்டுள்ளது. இவ் வேலைத்திட்டங்களில் 10,936 பேர் பங்குபற்றியிருந்தனர். இத் திட்டங்கள் அனைத்தும் முல்லைத்தீவு மாவட்டத்திலுள்ள 6 பிரதேச செயலக பிரிவுகளிலும் இச் செயற்திட்டம் முன்னெடுக்கப்பட்டு வருகின்றது.

 0202 102 2

நாட்டுக்காக ஒன்றிணைவோம் தேசிய நிகழ்ச்சித்திட்டத் தொடரின் முல்லைத்தீவு மாவட்ட செயற்திட்டம் தொடர்பான ஆலோசனைக்கூட்டம் 30.05.2019 அன்று முல்லைத்தீவு மாவட்ட செயலக மாநாட்டு மண்டபத்தில் வடமாகாண கௌரவ ஆளுநர் தலைமையில் இடம்பெற்றது. இதில் முல்லைத்தீவு அரசாங்க அதிபர், மேலதிக அரசாங்க அதிபர், மற்றும் பதவிநிலை உத்தியோகத்தர்கள், ஏனைய திணைக்களங்களின் தலைவர்கள், அரசியல் பிரமுகர்கள், பொலிஸ் மற்றும் பாதுகாப்பு பிரிவினர் பலரும் கலந்துகொண்டனர்.

pre3pre1pre2

சிங்கள - தமிழ் புதுவருடத்தை கொண்டாடுமுகமாகவும் சனாதிபதி அலுவலகத்தின் ”புனரோதயம்” சுற்றாடல் பாதுகாப்பு தேசிய நிகழ்ச்சித்திட்டத்துக்கு அமைவாகவும் 15.04.2019 இன்று மு.ப 11.17இற்கு உள்ள சுபநேரத்தில் முல்லைத்தீவு மாவட்ட செயலக வளாகத்தில் மரநடுகை நிகழ்வு இடம்பெற்றது. 

viber image 2019 04 15 11.17.25

முல்லைத்தீவு மாவட்ட சமுர்த்தி அபிவிருத்தி திணைக்களம் மற்றும் கரைதுறைபற்று பிரதேச செயலகம் ஆகியவை இணைந்து சமுர்த்திப் பயனாளிகளின் உற்பத்திகளை ஊக்குவிக்குமுகமாக இன்று (10.04.2019) மாவட்ட செயலக முன்றலில் நடாத்துகின்ற சௌபாக்கியா விற்பனைக் கண்காட்சிக் கூடத்தினை முல்லைத்தீவு மாவட்ட செயலாளர் திருமதி.றூபவதி கேதீஸ்வரன் அவர்கள் பிரதம விருந்தினராக கலந்துகொண்டு காட்சிக்கூடங்களினை திறந்துவைத்தார்.

 

இந் நிகழ்வில் கரைதுறைபற்று பிரதேச செயலாளர், உதவிப்பிரதேச செயலாளர், மாவட்ட செயலக உத்தியோகத்தர்கள், சமுர்த்தி திணைக்கள உத்தியோகத்தர்கள், பொதுமக்கள் பலரும் கலந்துகொண்டனர்.

 

சௌபாக்கியா விற்பனைக் கண்காட்சியானது இன்றும் (10.04.2019), நாளையும் (11.04.2019) இடம்பெறவுள்ளது

 DSC 0040DSC 0045DSC 0052

அதிமேதகு சனாதிபதி அவர்களின் நிலைபேறான அபிவிருத்தி எண்ணக்கருவின் கீழ் அவரது நேரடி கண்காணிப்பு மற்றும் நெறிப்படுத்தலுடன் செயற்படுத்தப்படுகின்ற ”போதையிலிருந்து விடுபட்ட நாடு” போதைப்பொருள் தடுப்பு நிகழ்ச்சித்திட்டத்துக்கு அமைய முல்லைத்தீவு மாவட்ட செயலகத்தில் இன்று (03.04.2019) காலை 0830 மணிக்கு போதைப்பொருளுக்கு எதிரான சித்திரை உறுதியுரை எடுக்கப்பட்டது

IMG 4785IMG 4763IMG 4764

கொழும்பு தமிழ்ச்சங்கத்தின் ஏற்பாட்டில் 20.03.2019 அன்று இடம்பெற்ற சர்வதேச மகளிர்தின விழாவில் மாதரறம் மாண்புற சோராது செயலாற்றும் செவ்வியத்தை பாராட்டி ”மாநிலம் பயனுற வாழ் மகளிர்” எனும் விருதினை எமது மாவட்ட செயலாளர் திருமதி.றூபவதி கேதீஸ்வரன் அவர்கள் பெற்றுக்கொண்டார்.

viber image 2019 03 21 13.04.16

சர்வதேச மகளீர் தின நிகழ்வுகள் முல்லைத்தீவு மாவட்ட செயலகத்தில் இன்று (21.03.2019) மேலதிக மாவட்ட செயலாளர் திரு.கோ.தனபாலசுந்தரம் அவர்களின் தலைமையில் இடம்பெற்றது. இந் நிகழ்வில் பிரதம விருந்தினராக முல்லைத்தீவு மாவட்ட செயலாளர் திருமதி றூபவதி கேதீஸ்வரன் அவர்களும், சிறப்பு விருந்தினர்களாக முல்லைத்தீவு பிராந்திய சுகாதார சேவைகள் பணிப்பாளர் வைத்திய கலாநிதி. திருமதி பூங்கோதை தயாளசீலன் அவர்களும், முல்லைத்தீவு வலயக் கல்விப் பணிப்பாளர் திருமதி உமாநிதி புவனராஜா அவர்களும் கலந்துகொண்டனர்.

இந் நிகழ்வில் முல்லைத்தீவு மாவட்ட செயலக முன்றலில் பெண் முயற்சியாளர்களால் அமைக்கப்பட்ட சந்தையினை மாவட்ட செயலாளர் திருமதி றூபவதி கேதீஸ்வரன் அவர்கள் திறந்துவைத்து நிகழ்வினை ஆரம்பித்து வைத்தார்.

தொடர்ந்து முல்லைத்தீவு நகர பகுதியிலிருந்து மாவட்ட செயலகம் வரையான நடைபவனியும் இடம்பெற்றது. அதனைத் தொடர்ந்து மாவட்ட செயலகத்தில் அமைக்கப்பட்ட விழா மண்டபத்தில் பல்வேறு கலைநிகழ்வுகளும், சாதனைப் பெண்கள் கௌரவிப்பும் இடம்பெற்றது..

இந் நிகழ்வில் முல்லைத்தீவு மாவட்ட செயலக உத்தியோகத்தர்கள், பொதுமக்கள், முல்லைத்தீவு மாவட்ட தொழிற்பயிற்சி அதிகாரசபை விரிவுரையாளர்கள் மற்றும் மாணவர்கள் பலரும் கலந்துகொண்டனர்.

DSC 1328DSC 1341DSC 1354

ஆவணங்கள் பதிவு செய்தலின் ஒருநாள் சேவை மற்றும் சர்வதேச தரத்தின்படி தயாரிக்கப்படுகின்ற புதிய பிறப்புச் சான்றிதழ் விநியோகிக்கும் தேசிய வேலைத்திட்ட நிகழ்வு பதிவாளர் நாயகம் திணைக்களம் ஏற்பாட்டில் முல்லைத்தீவு மாவட்ட செயலகத்தினால் இன்றைய தினம்(16/03/2019) முல்லைத்தீவு மாவட்ட அரசாங்க அதிபர் தலைமையில் இடம்பெற்றது

54519878 555917928265868 5786406041134563328 nviber image 2019 03 18 10.04.48